هغه ملګری چې، تاسو هر وخت خپلو کمیو، کمزوریو او پرمختګونو ته متوجه کوي، هغه ملګری چې په خپله تاته خبرې نه شي کړای، خو بیا هم هر ځای کې هرې ستونزې ته مو د حل لاره پیداکوي. آیا پوهیږئ چې دا څوک دی دا کتاب دی. کتاب د انسان په ژوند کې تر ټولو وفاداره او ښه ملګری دی.

د کتاب په اړه د ځینو عالمانو ویناوې:

ګټور کتابونه هغه دي، چې لوستونکي دې ته وهڅوي، چې تر پایه یې ولولي. (ولټر)
تر ټولو نېکمرغه هغه څوک دی، چې له دې دوه څیزونو څخه یوه ته لاسرسی ولري: لومړی ښه کتاب او دویم هغه دوست چې د کتاب اهل وي. (ویکتور هوګو)
د یوه فرهنګ د له منځه وړلو لپاره، اړتیا نه شته، چې کتابونه وسوځوئ، بسنه کوي، چې داسې یو کار ترسره کړئ، ترڅو خلک یې ونه لولي. (ویکتور هوګو)
بې فکره مطالعه بېځایه کار دی او له مطالعې پرته فکر کول خطرناک. (کنفوشیوش)
له یوه کتاب پلورونکي څخه پوښتنه وشوه: د کار و بار وضعیت دې څنګه دی؟ وې ویل: ډېر بد، ځکه هغه کسان، چې پیسې لري، مطالعه نه شي کولای او هغه کسان، چې سواد لري او مطالعه کولای شي، پیسې نه لري. (نامعلوم)

آیا پوهیږئ چې ستاسو تر ټولو ښه ملګری څوک دی؟

د چینجي په باور، ډېر عجیب او احمقانه کار دی، چې انسان خپل کتابونه نه خوري. (ټاګور)
ټول تاریخي کتابونه، چې درواغ پکې نه شته، په وېرونکي ډول، ستړي کوونکي دي. (اناتول فرانس)
انسان په کتاب کې داسې شیان ویني، چې په سترګو یې نه ویني ځکه، چې هغه په زرګونو کیلومټرو لرې دي او یا زیاته موده ورباندې تېره شوې ده. (اناتول فرانس)
څومره وګړي دي، چې د زړو متونونو په تفسیر او څېړنه کې ساری نه لري، خو د خپل ژوند د کتاب د پوهنې او لوست څخه په بشپړه توګه بې برخې دي. (اناتول فرانس)
هېڅکله خپل ډېر ګران دوست ته هم کتاب امانت مه ورکوه، ځکه چې زما په کتابتون کې یوازې هغه کتابونه دي، چې له نورونه مې په امانت اخیستي دي. (اناتول فرانس)
د ژوند کیفیت مو دوه څیزونه ټاکي: هغه کتابونه، چې مطالعه کوئ یې او هغه انسانان، چې ورسره لیده کاته کوئ. (مک لوهان)
که یوه ورځ کتاب راسره نه وي، نو لېونی به شم. (پلوتارک)
زما خوښېږي، چې هره ورځ له کتابونو سره واوسم او د هغوی په منځ کې مړ شم. (حسین رحمت نژاد)
کتاب هغه دوست دی، چې وړتیاوې دې بربنډوي، په تیاره کې رڼا ده، په یوازېتوب کې بوختیا ده، بښل کوي، خو په بدل کې یې څه نه غواړي. (موشه ابن اسرا)

او همدارنګه مارک توین وایي:

کتاب هغه ملګری دی چې په لوستو یې وجدان آرام، روح تازه او په ژوند کې له ستړیا پرته د پرمختګ او ښه ژوند کولو لارې چارې انسان ته په ګوته کوي. هر انسان باید له کتاب اخیستلو وړاندې د کتاب لوستلو لپاره وخت واخلي، ځکه کتاب د لوستو لپاره وي نو کله چې تاسو وخت وانخلئ کتاب اخیستل ګټه نه لري.

لیکوال: سید نظیر سادات

0 Comment

Related Articles

0 Comment

Related Articles