-تېرو ٤ میاشتو کې په ١٢٠٠٠ فارمونو کې ٤٨٠٠ سقوط شوي او د نورو حالت بدې خواته روان دی.

Lal Zazai

- پاکستان او اېران نه د ورځې سلهاوو زره راروانې دي او زموږ یې سقوط کړي. څه قاچاقي او څه قانوني وارداتي!

- ټول مرضونه وارداتي چرګانو راوړي.

- زموږ دولت د تعرفې اخېستلو طرېقه غلطه ده.

- یو ملیارد امریکایي ډالر پانګونه په دغه سکټور کې شوې چې اوسمهال له خطر سره مخ ده.

- ٩٢٠٠٠ دوه نوي زره کارګران مو نوره هم بېکاره کېږې که اقدامات ونکړو.

لسګونه نورې ستونزې

===================

ځان بسیایینه/خودکفایي

١- د چرګانو غوښو بخش کې خوشبختانه %٩٥ پرځان بسیا یو.

٢- د هګیو/تخم بخش کې %٦٠ پرځان بسیا یو.

٣- د دانو د تولید بخش کې مکمل پرځان بسیا یو او صادرات هم کولای شو. پدې کې مو ٢٦ فابرېکې فعالیت کوي. د دانې هره فابرېکه مو په في ساعت کې له ١٠ نه تر ٧٠ ټنو پورې تولېدات لري.

===================

څنګه وژغورل شو لدې خطره؟

د A-B پلانونه

١-A plan

چرګانو واردات بند کړﺉ ترڅو خپل تولېدات ولرو او خپل فابرېکې مو فعالې وي.

٢-B plan

که ګاونډیان له ورته چلند غوسه کېږې او باالمثل نور کارونه کوي چې زموږ په تاوان وي نو تعرفې پرې لوړې کړﺉ ترڅو زموږ تولېدات له رقابت څخه برخمن شي او د دوی د سقوط مخنوۍ وکړو.

٣-١ B plan

پر تعداد تعرفې مه وضع کوﺉ، بلکې د کېلو پر اساس یې وضع کړﺉ چې هم به مو عایدات لوړ شي او هم به مو خپلې فابرېکې فعالې ساتلي وي.

----------

٢- د ګاونډیانو ډمپینګ سیاست نه زموږ محصولات وژغورﺉ.

ګاونډیان ډېر چالاک دي په خدای!

قېمتونه د یو مشخص وخت لپاره ډېر ټیټ/تنزیل کړي څو د افغانستان خپل فارمونه له رقابت ولوېږي او سقوط سره مخ شي. کله یې چې د مارکېټ کنټرول ترلاسه کړ، بیا په خپله خوښه قېمتونه ټاکي او موږ ورته ګورو. راز دا دی چې د ګاونډیانو حکومتونه خپل مولدین/تولیدکوونکې حمایت کوي او ورته سبسایډي ورکوي له کوم چې زموږ حکومت ناتوانه او یا ناپوهه دی.

دا برخلیکونه به وګورو:

- فابرېکې به مو سقوط شي.

- کارګران به په کورونو کېني.

- مارکېټ به د ګاونډیانو انحصار/لاس ته ولوېږي.

- زموږ د مارکېټ قېمتونه به ګاونډیان ډېر لوړ او په خپله خوښه ټاکي چې ملت به یې ضرر پرې کوي.

----------

٣- قاچاق یې بند کړﺉ.

-له اېران، پاکستان، ازبکستان او نورو نه قاچاق کېږې او مارکېټ یې د مرضو ډک کړی. اکثره یې مرضي چرګان دي او زموږ هرڅه په غذب ککړوي.

-قاچاق مو کورني مولدین له پښو غورځوي او مجبور دي چې د خپلو فارمونو دروازې وتړي.

-لدې سکټور نه د ادارې په عایداتو کې په بېسارې ډول کموالی راځي.

----------

٤- هغه توکې چې له ګاونډیانو او هندوستان، ارجنټاین، برازیل... یې واردوو لکه جوار د چرګانو خاصه کنجړه... کوشش وکړﺉ کور دننه یې د تولید زمېنه مساعده کړﺉ او ورته ځمکې، برق او نور سهولتونه اېجاد کړﺉ. مثلا پدې بخش کې %٣٠ خپله برابروو او %٧٠ یې له نورو واردوو، نو کور دننه یې امکان د تولید شته کچېرته ورته زمېنه مساعده شي.

----------

٥- هغه کسان چې نوي دې بخش کې سرمایه ګذاري کوي د امکان ترحده ترڅو چې په پښو اودرېږې ورته مالیه معاف کړﺉ د څو کالونو لپاره. مالیه معافول سمه ده چې عایدات به مو کم کړي اما راتلونکې لپاره بیا لدې څو چنده مثبت عواقب لري.

----------

٦- ډمپینګ خپله وکاروﺉ.

لکه څرنګه چې ګاونډیان پر موږ څو چنده برلاسې دي، کچېرې موږ خپل فارمونه حمایت کړو او د سبسایډی ترڅنګ ګڼ نور سهولتونه ورته اېجاد کړو; نو نه یوازې خپل ضروریات پوره کولای شو(ځان بسیایینه) بلکې نورو هېوادونو مارکېټونه به زموږ له محصولاتو ډک وي.

=========================

نوټ: د وارداتو د بندېدو په صورت کې د نرخونو کنټرول قوي ټیم ته ضرورت لري.

========

که واقعي ژمن یاست نو دغه اقدامات به هرو مرو کېږې او بل دا چې دغه پورته ستونزې په تېرې ادارې کې هم موجودې وي اما اوس کچه کې یې زیاتوالی راغلی او لکه څرنګه چې مو په منجمده/یخه غوښه بندیز ولګوو نو امېد لرم نور ګامونه هم پورته کړﺉ.

لعل ځاځی Lal Zazai

فبروری ٢ کال ٢٠٢٢

چهارشنبه

وخت ١٢:٣٣ P.m

0 Comment

0 Comment