دوه حالته دي

Lal Zazai

١- کچېرې موږ اسلامي بانک ولرو، نو باید خپلې شتمنۍ په سودي بانکونو کې ونه ساتل شي; برعکس په اسلامي بانک کې وساتل شي.

افغانستان: په افغانستان کې بشپړ اسلامي بانک شتون نلري. کوم بانک چې لرو تش پنوم اسلامي دی.(بیا هم تحقیق ته ضرورت شته)

٢- کچېرې په هېواد کې اسلامي بانک نوي، نو دوه حالته دي

٢-١ کچېري د خپلو پیسو په اړه د امن احساس کوې، نو په سودي بانکونو کې یې مه ږده او کور کې درسره وساته، یا د خپل کاروبار پرې وکړه.

٢-٢ کچېرې د خپلو پیسو په اړه ډاډه نوې چې ممکن له خطر سره دې شتمنۍ مخ شي، نو جواز لري او کولای شې پیسې په سودي بانکونو کې کېږدي. خو دوه شرطه لري.

٢-٢-١ ستا د فکر ډول به داسې وي چې کله د شتمنیو د امن احساس مې پیدا کړ او کوم خطر سره نه مخ کېږي، نو له بانک یې بېرته اخلم.

٢-٢-٢ له بانک سره به په عقد(تړون) کې دا ذکر کوې چې فقط خپله پانګه به راباسې او د ګټې به هېڅ غوښتنه نکوې. مثلا سل زره افغانۍ ورکوې، بېرته به د ګټې غوښتنه نکوې.

افغانستان: تر ډېره برېده تضمین وجود نلري چې ستا شتمني دې په کور کې محفوظه وي او تل په وېره کې وي. د غلو لپاره ځېنې توپک اخلي، ځېني تپانچې او ځېني هیڅ. خلاصه د افغانستان حالاتو کې موږ شرعا جواز لرو چې پیسې په سودي بانکونو کې د پورته دوو شرطونو په قبلولو سره وساتو. ولې بیا هم هېره دې نوي چې وضعیت فرق کوي نو دا معنا نلري چې بس افغانستان کې بهانه جوړه شوه. چې جدي خطر نوي نو مه یې ږدﺉ.

----------------------------

کچېرې تاسو ته د سودي بانکونو لخوا د خپلې شتمنۍ نه یوڅه اندازه سود درکول شو(هغه حسابونه چې ګټې درکوي)، البته په هغه صورت کې چې د ضرورت پر اساس مو سودي بانکونو کې پیسې اېښودلي وي، نو پدې اړه مې تقرېبا له دېرشو زیاتو علماوو مختلف نظرونه ولېدل چې ډېره سره په ځېنو مسایلو کې اختلافات وي، خو ډېر څه مې چې تر سترګو شول او کُلي نتېجه ورته ویلای شم هغه دا ده چې تاسې به لومړۍ د سود نه توبه ویستلي وي او هغع مقدار سود چې تاسې له خپلې شتمنۍ ترلاسه کړی دی; تاسې به یې په بېوزلو، فقېرانو او مسکېنانو ته ورکوﺉ او یا به یې د مسلمانانو په مصالحو کې مصرفوي خو اجر یې نشته ځکه الله تعالی فرمایلي کې زه تاسو ته اجر د حلال او پاک څېز له صدقې او خیرات درکوم نه حرام.

-----------------------------

د افغانستان خلک بیا د پوهاوۍ د نه درلودلو له امله مطلق وایي چې حرام دی. نو امېد لرم اوس مو قناعت کړی وي.

د جذیاتو لپاره پوښتنه هم کولای شﺉ.

نوټ: پورته ټول مسایل د علماوو له نظرونو او کتابونو نقل کړي کومه شخصي جمله او کلمه پکې نده زیاته شوې فقط مې درته په ښه ټکو تشرېح کړې ده. که مو سوال درلود د قناعت لپاره به زه مرجعې درولېګم زما واتساپ کې.نمبر پر فروفایل شته.

0 Comment

0 Comment