اوسمهال/تېرمهال کې چېن د نورو هېوادونو په پرتله له ا.ا.ا ډېره راشه درشه لري. Lal Zazai

بنسټیز اهداف یې اقتصادي دي.

اما امنیتي او سیاسي هم د بحث وړ دي.

علاقمندي او ننګونې

١- دوی غواړي د افغانستان له طرېقه منځنۍ أسیا ته لاره پیدا کړي.

٢- د افغانستان له هغو له هغو منابعو استفاده وکړي چې تراوسه لاس ندی پرې وهل شوی.

٣- د افغانستان له سټراټیژیک جغرافیایي موقعیت څخه استفاده وکړي. ځکه افغانستان د منځنۍآسیا او جنوبي آسیا ترمنځ مهم ارتباطي لاره ګڼل کېږي او همدارنګه د لویدېځې آسیا ته د رسېدو لپاره چین ته یو ډول د ټرانزیټ لنډه لار بلل کېږي.

٤- د یو کمربند او یو جادې خبره پدې وروستیو کې ډېره ګرمه شوې ده، او چین غواړي چې په افغانستان کې امنیت ښه شي څو په سېمه کې یاده پروژه تطبیق کړي.

٥- د سپیک پروژې نه افغانستان هم برخمن کړي کوم چې چین ته خپله یو لوی مذیت دی.

٥- له افغانستان نه ورته کوم خطر متوجه نشي.

٦- د امرېکا د مداخلې پرته په افغانستان کې پانګونه وکړي.

=========================

خو راځم خنډونو ته

١- چېنایان اوسمهال په بشپړ ډول ډاډه شوي ندي چې په افغانستان کې پانګونه وکړي ځکه چې د اوږدمهال لپاره د دې وېره ورسره موجوده ده چې ممکن

اول- افغانستان د تروریستي ډلو په پټنځای بدل شي. اوېغور، داعش...

دویم- د پانګونې په جریان کې د امرېکا مداخله صورت ونه نیسي.

وغیره

=========================

زموږ لپاره څه کول پکار دي.

١- چېنایانو او نورو استعمارګرو ډېرۍ افرېقایي او نورو هېوادونه له طبیعي منابعو تش کړل.

دا سمه ده چې په لنډمهال کې به ښه اقتصادي وضعیت وي اما په اوږدمهال کې له چلنجونو ډکه موضوع ده په هغه صورت کې چې

اول- مسلکي، مجرب او په کار پوه ټیم او دولت ورسره قرارداد ونکړي.

دویم- فقط یې استخراج دلته وشي نور د پروسس مرحله په چین کې صورت ونیسي.

دریم- ټول کاري پرسونل د چېنایانو وي.

څلورم- افغاني پانګوالو ته پکې هېڅ برخه ورنکړل شي.

نو مسلکي ټیم غوره کړﺉ او د پروسس لپاره د هېواد دننه زمېنه مساعده کړﺉ.

٢- په چېنایانو ټول فوکس باید ا.ا.ا ونکړي او کوشش دې وکړي چې د سېمې او نورو هېوادونه پانګونې ته هم زمېنه مساعده کړي کنه د هرې پروژې په وړاندې به هر ډول تهدید د یادو هېوادونو لخوا په افغانستان کې رامنځته کېږي.

خلاصه پدې برخه کې باید د بهرني سیاست او پانګونې توازن وساتل شي. که هر هېواد په افغانستان کې پانګونه وکړي، نو د دوی لخوا د خطر متوجه کېدل هم کمېږي.

لېکوال: Lal Zazai لعل ځاځی

اپریل ٧ کال ٢٠٢٢/حمل(وری) ١٨ کال ١٤٠١

پنجشنبه

وخت ٤:٣١

کابل-افغانستان

0 Comment

0 Comment