کله چې مسلمان په دنیا کې کوم حاجت ولري او یا په کومې ستونزې او مشکلاتو کې راګیر شي، نو له خپل خالق څخه د خپلو ستونزو د حل او حاجت پوره کولو لپاره دعا کوي.

خو بدبختانه به ووایو چې ټولنه کې ځینې داسې مسلمانان هم پیدا کیږي چې د خپل پاک رب دعا غواړي خو بیا شکایت هم کوي چې یااللهﷻ زما دعا ولې نه قبلیږي؟ او همداسې نااُمیده شي چې بلاخره بیا هیڅکله د دعا کولو ته زړه نه ښه کوي.

خو نه داسې نه ده ځکه الله سبحانه وتعالی هیڅکله د خپل بنده دعا نه ردوي. هغه ځکه چې کیدای شي پر دغه انسان یو آفت او سختي راځي خو دغه انسان پرې نه پوهیږي هغه ورته له مینځه وړي یا یې آبدي دنیا (آخرت) ته ساتي او یا یې هغه وخت د قبلیدو نه وي. کله چې یو مسلمان ته په آخرت کې دعا په کار شي نو دغه انسان به ووایي چې کاش زما ټولو دعاوې په هغه دنیا کې نه وای قبولې شوې. او ټولې آخرت ته پاتې شوې وایی. ځکه انسان خو په خپل شر او خیر نه پوهیږي.

سرور کائنات حضرت محمدﷺ ابن عباس ته څو ګټورې خبرې:

له ابن عباس رضي الله تعالی عنه څخه روایت دی چې یوه ورځ د محمد مصطفیﷺ تر شا په سوارلۍ سپور وم، نو نبي اکرمﷺ وفرمایل چې ای هلکه! آیا تاته داسې خبرې ونه ښایم چې الله تعالی پرې تاته فایده ورسوي؟ ابن عباس رضی الله تعالی عنه فرمایي چې ما وویل ولې نه ای د الله تعالی رسولهﷺ! نو حضرت محمدﷺ وفرمایل:

ته الله رب العزت یادوه نو الله تعالی به تا یاد کړي.
ته تل الله تعالی یاد ساته هغه به تل خپلې مخې ته ومومې.
خوشحالۍ او پراخۍ په حالت کې اللهﷻ ولټوه او ویې پیژنه؛ د سختۍ، تکلیف او مصیبت پرمهال به الله تعالی ستا مرسته او کومک وکړي.
کله چې ته سوال کوې نو له اللهﷻ څخه یې وکړه.
کله چې د تکلیف او مصیبت په وخت کې مرسته غواړې له اللهﷻ څخه یې وغواړه.

(مسند احمد)

مسلمانانو ورونو او خویندو راځې چې څومره کولای شو څپل رب ته په اخلاص د دعا لاسونه لپه کړو، ان شاءالله چې حتماً به قبلیږي څکه هغه پاک او سپیڅلی ذات غفور او رحیم دی.

لیکنه: سید نظیر سادات

0 Comment

Related Articles

0 Comment

Related Articles