روسيي کرنسۍ روبل د رېکارډ کچې بدې ورځې تېروي.

له تېرې جمعې ورځې راهېسې یې ارزښت ډیر ټیټ شوی او د ډالرو په مقابل کې له ٨٤ نه ١١٨ ته پورته شو. د ١٩٩٨ کال بحران ورځې یې مثال یادولای شو.

روسیې ځېنې اقدامات وکړل،

١- د نغدو پیسو انتقال بهر ته منع شو.

٢- ټولو خپلو کمپنیو او صادروونکو ته یې امر کړی چې خپل %٨٠ عواید په روبل بدل کړي.

٣- د روسیي مرکزي بانک د سود نرخ Interest rate له %٩,٥ څخه %٢٠ ته لوړ کړ.

٤- د روسیې مرکزي بانک مالي ادارو ته امر کړی چې د هغو بهرنیو مشتریانو غوښتنې رد کړي چې غواړي روسیي ارزښت لرونکې ورقې Securities خرڅې کړي.

یاد حالت کنټرول یو څه ناممکن دی ځکه اوس مهال خلک برعکس بهرني اسعار ذخېره کوي، په بانکونو فشار یې زیات کړی او ورته نورې اندېښنې راپورته شوي دي.

-------------------

د یاد حالت اغېزې په روسیې

١- د انفلاسیون (تورم) Inflation کچه به لوړه شي/لوړېدو ده/لوړه شوی دی.

٢- هغه واردات چې روسیه یې ترسره کوي ډېر قېمت به ورته تمامېږي.

٣- بهرني قرضونو ورکړې توانایي به له لاسه ورکړي خصوصا هغه چې په ډالرو باندې دي. ویل کېږې چې ١٣٤ ملیارده ډالر قرضدارې دي.

٤- د خلکو د ژوند سطحې یا Life style کیفیت به متضرر کړي خصوصا د متوسطې طبقې خلکو.

٥- ټولې هغه کمپنۍ چې له بهره یې توکې واردول او خدمات یې رانېول له ضرر سره مخ شوي/به شي.

٦- دا چې په بهرنيو پانګوالو باندې د دې لپاره بندیز لګېږې څو پیسې بهر ونه باسي، نو د روسیې کوم شهرت reputation چې د پانګوالو لپاره شتون لري متضرر به شي.

٧- پر بانکونو به فشار زیات شي او اعتبار به یې متضرر شي.

٨- د انفلاسیون له امله به د تېلو، ګازو او نورو زیاتو توکو او خدماتو قېمتونه به د هېواد دننه لوړ شي. مهم دلیل به یې د عرضې کموالی/اودرېدل او د روبل د ارزښت ټېټوالی وي. روسیه او اوکراین د نړۍ ٣٠% غنم تولیدوي، نو فکر وکړﺉ چې نړۍ به څنګه ترې متضرره کېږي.

٩- بهر خصوصا اروپا کې به تېلو او ګازو قېمتونه لوړ شي ځکه دوی یې اکثره له روسیې واردوي.

١٠- بهرته به مهاجرتونه هم زیات شي چې د پیسو، انساني او مسلکي پانګې تېښتې ترڅنګ به نړېوال هم متضرر کړي.

١١- د foreign -exchange reserves چې ٦٣٠ ملیارده ډالره کېږې او له بندیزونو سره مخ دي، له امله به یې روسیې مرکزي بانک ونه توانیږي چې د خپلو روبلو ارزښت څخه دفاع وکړي او مارکېټ ته بهرني اسعار عرضه کړي.

١٢- د روسیې له مرکزي بانک سره نړېوالې راکړې ورکړې منع شوي دي.

وغیره

-----------------

روسیه به نور کوم اقدامات کوي؟

- دا چې بندېزونه په روسیه باندې ځنډول کېږي، نو ممکن په اروپا باندې تېل او ګاز بند کړي ترڅو له خپل دریځ بېرته په شا شي.

- د SPFS سیستم ته پراختیا ورکړي کوم چې په ٢٠١٤ کې د SWIFT د بدیل لپاره جوړ شوی وو او تر اوسه څه د پاسه ٤٠٠ کورنۍ او یو څه بهرنۍ مالي ادارې ورسره وصل دي.

- اټومي وسلې کارول هم ډېر خطرناک ثابتېدلای شي، او ممکن د وسېلې په ډول یې استفاده کړي کچېرته بندیزونو پراختیا وموندله.

لعل ځاځی Lal Zazai

مارچ ١ کال ٢٠٢٢/ حود(کب) ١٠ کال ١٤٠٠

سه شنبه

وخت ٨:٢٣ سهار

کابل-افغانستان

0 Comment

Related Articles

0 Comment

Related Articles