یاده پروژه د هېواد په کچه د کرنې برخه کې دویمه لویه پروژه ګڼل کېږې. د یادې پروژې سروې بشپړه او عملي کارونه یې پیل شول. مخکې د دې پروژې اعمار د پخواني شوروي اتحاد له لورې ترسره شوی ؤ او په ١٣٤٩ کې ګټې اخېستنې ته وسپارل شوه. د یادې پروژې څخه د مسلح قواوو په تمویل کې ګټه اخېستل کېده. وروسته د امنیت د نه شتون او سیمه ییزو زورواکانو لخوا یې ټول تاسېسات، ټرانسپورټي وسایل او نور لسګونه تولیدي ماشېنونه چور او چپاول شول او نور یې زاړه شول. د پورته دلایلو له مخې په تېرو ٣٠ کلونو کې د بیارغونې چارې یې ترسره نشولې.

یاده پروژه ٥٥ کاله پخوا تاسیس شوې وه کوم چې د دوو کانالونو (ښي او چپ) په درلودلو سره د ٧٦٠٠٠ جرېبه ځمکې د خړوبولو وړتیا لري. د سردې بند د ٢٥٩ ملیون متر مکعب اوبو د ساتلو ظرفیت لري.

د یادې پروژې اړوند خړوبوونکې ځمکه %٧٠ د دولت ملکیت او پاتې یې په شخصي ملکیتونو پورې اړه لري. ٦ کاله وړاندې چې کوم معلومات لرم هغه وخت کې %٩٥ ځمکه د محلي زورواکانو له لورې غضب شوې وه. او دا چې په تېر کې یاده سېمه د طالبانو تر کنټرول لاندې وه نو دولت ورته رسیدګي ونشوه کولای.

د ا.ا.ا په حاکمېدو سره د یادې پروژې د سروې چارې بشپړې او عملا کارونه یې پیل شول.

د یادې پروژې پروپوزل د HAALO موسېسې ته چې مالي لګښت یې د خوړو نړېوال سازماد WFO ورکول کېږې ور وسپارل شو.

د یادې پروژې عملي چارې، د کانال پاکونې، سیفونونو رغونې، نیالګیو لپاره د حوضو جوړونه او د نیالګیو کېنونې برخه کې عملا پیل شوي چې وروسته له بشپړېدو به تر ٩٥٠٠٠ وګړي ګټه واخلي او هره ورځ به پکې ٥٠٠ نفرو ته د کار زمېنه مساعده شي.

بهترین ګام دی چې ترسره شو!!!

لعل ځاځی Lal Zazai

فبروری ١٦ کال ٢٠٢٢/ دلو ٢٧ کال ١٤٠٠

چهارشنبه

وخت ٣:٠٦ p.m

0 Comment

0 Comment