لیکوال: لعل ځاځی

ځینې خلک دا نظر لري چې ګوندې قزاقستان یا ازبکستان په 900 افغانی یا لدې کم ورته یوه بوجی اوړه ورکوي افغاني تجارانو ته.

لطفا له فیسبوکي غیردقیقو نشریاتو د نشرولو کوشش مکوی چې نپوهیږی له تجار یې وپوښتی او یا یو پوه او مسول شخص نه.

حقیقت دا دی چې په تیرو دوو کلونو کې د کرونا له وجې تولیدات په اکثرو هیوادونو کې زیات ترسره نشول ټولو یو دمي فعالیت شروع کړ او تقاضا ډیره لوړه وه. همدارنګه هیوادونه وچکالی ځپلي وو نو قیتمونه نه یوازې په افغانستان کې بلکې عموما اکثرو هیوادونو کې لوړ شوي دي. همدا اوس پاکستان کې قیمتونه ډیر لوړ دي پداسې حال کې چې پاکستان یو صنعتي هیواد دی.

راځم د افغانستان مسلې ته!

حتا پرون ( Nov-25-2021) پنجشنبه کوم ارقام چې وو د حیراتانو په بندر کې افغاني تجارانو ته یوټن اوړه په 440 ډالر او یوټن غوړي په 600 ډالر په همدغه بندر کې تمام شوي چې ترکابله یې له پنځو تر لسو ډالرو مصرف د کرایې پرې راځي په في ټن باندې.

نو که افغانی حساب ورته وکړې( نرخ ډالر 95) یو اوړه بوجی 2180 په کابل کې تجارانو ته تمامیږې. همداسې غوړي چې مخکې به افغان تجارانو ته به یو ټن له 300 تر 400 ډالرو اخیستلو اوس ورته په 600 ډالر پوره تمامیږې په حیراتانو کې.

افغاني تجاران نشي کولای چې له نورو هیوادونو په افغانیو واردات ترسره کړي مجبور دي ډالر ورکړي نو د ډالرو د نرخ جګوالی د افغانیو په مقابل کې د غوړیو، اوړو او نورو ټولو وارداتي توکو د قیمتونو په لوړوالی مستقیمه اغیزه لري. ( حلاره یې فقط په دننه افغانستان کې په تولیدي سکټور کار کول دي چې نغواړم ورباندې اوس بحث وکړم)

ځینې خلک وایې چې اوس خو ګمرکي مالیات هم کم شوي نو ولې قیمتونه لوړ دي؟ ګوری یو کارټینر کې تر 1200 کارټنونو غوړي ځاییږې او 100000 افغانی مالیه پرې کمه شي نو هر کارټن ته فقط 83 افغانی راځي معنا دا چې 83 افغانی د یو کارټن غوړیو قیمت ټیټولی شي.

بل د TT مشکل هم دی چې د پیسو په انتقال کې لویه ستونزه یې جوړه کړې چې په دې به وروسته بحث ولرم. اما بیا هم د مرکزي بانک په مرسته د 10 مهمو ډوله توکو د پیسو د انتقال زمینه مساعده شوې لکه تیل، ګاز، طبي درمل او ځینې خوراکي توکې اما نورو برخو کې یاد سهولت نشته.

د افغانستان مارکیټونو ته اوسمهال مهم 10 ډوله اقلام په نارمل ډول واردیږې معنا دا چې په مارکیټونو کې شته مطلب عرضه شتون لري اما تقاضا نشته. په یاد ولری چې قیمتونه د هیوادونو په سطحه لوړ شوي دي.

د افغانستان د تجارت برخې ځینې غړي په تاشکند او آلماتی کې ناست دي او هره ساعت افغاني تجارانو ته د نرخ په اړه معلومات ورکوي.

نو تاسو په فیسبوکي خبرونو مه غولیږی کوشش وکړی دقیق معلومات ترلاسه کړی او څیړنه وکړی.

لیکنه شیر کړی ترڅو خلک له اصلي واقعیت خبر شي.

26 Nov, 2021

Author: #Lal_Zazai

0 Comment

0 Comment