Lal Zazai

شیر یې کړﺉ څو لاندې مشکلاتو ته رسیدګي وشي.

زه او زما ملګري به په انګلیسي ځینې وړاندېزونه هم وکړو اړوند ادارو ته.

١ - افغانانو وضعیت په نړېواله سطحه اوسمهال په اولویت کې قرار نلري، بلکې اوکراین اولویت کې ده.

٢ - د ملګرو ملتونو د ګډوالۍ اداره هم د افغان مهاجرو لپاره خاصه او استثنایي ستراتیژي نلري. خارج مېشتې افغانانو ته یې خدمتونه تر سوال لاندې راغلي او داخلي خو لاڅه.

٣- اروپایي هېوادونه هم د شخصي ګټو پر بناء اوکرایني وګړو ته ترجېح ورکوي ځکه مسلکي او پوه دي او پرته له مصارفو روزل شوې بشري پانګه لاسته ورځي. افغانان تر څو چې مسکلي کېږي کلونه وخت او مصارف غواړي همدا علت دی چې دوی نه قبلېږې، رد کېږي او یا د دوی کېسونه ځنډمن کېږي. که څه هم د اروپا کاري ځواک کم اما غیر مسکلي کسان په سختۍ مني. زموږ د هېواد مسلکي ځواک یې هم ډېر زر جذب کړ.

٤- نړېوالو هم کومې ژمنې چې وکړي تراوسه ندي تطبیق شوي او ملیاردونه ډالر د دروازو ترشاه په مختلفو دلایلو بند پاتې دي. کومې مرستې چې کېږي بسنه نکوي ځکه اړمن زیات او مرستې کمې دي همدا دی چې بحران ورځ په ورځ زیاتېږي.

٥- بېکاري، لوږه او فقر په وروستیو کې اوج ته رسېدلې: د جمهوریت ادارې د پوځ سرتېرې، د داخلي فابرېکو رخصت شوي کارګر، د انکشافي پروژو کارګر او حتی د وړو او لویو کاروبارونو خلک هم بېکاره شوي، نو مجبور دي دننه د کار د نشتوالې له امله مهاجرت ته اړ شي.

٦- ځېنې د دولت نه ناراضه دي او داسې احساس نکوي چې ګوندې دولت دې موږ سره په څنګ کې وي. مختلفو دلیلو دې کار ته اړ کړي.

٧- د تېرې دورې له وېرې او وهم ډېرۍ خلک مهاجر شول.

٨- له هېوادونو سره د افغان مهاجرو په اړه د پام وړ مذاکرات د ا.ا.ا لخوا ندي ترسره شوي.

٩- پرته له مشخصو هېوادونو لکه ازبکستان، ترکمنستان، چین او روسیې له ا.ا.ا سره دومره د پام وړ هماهنګي شتون نلري څو مشکلاتو ته لاسرسۍ وشي.

١٠- اورپایي ټولنې هم د افغان مهاجرو په اړه مېډیا ګرمه کړه اما د لاسته راوړنو برخه یې خالي وه.

١١- ځینې د سیاسي فشار او د ازادۍ د نشتون له وجې مهارجر شول.

١٢- زړه تنګوالی او ځیني شخصي مسایلو هم ځینې کسان مهارجرت ته اړ کړي دي.

١٣- کله چې د دولت او رعیت ترمنځ واټن لویږې هغومره خلک هېواد پرېښودلو ته اړ کېږي.

١٤- متاسفانه تبلېغاتو او د نړېوالو څېړنيزو مرکزونو د ناسمو تحقېقونو او ارقامو له وجې هم ذهنونه مغشوش شول او مهاجرت کېدو ته یې زړه ښه کړ.

١٥- دولتي ادارو کې ورستیو ګومارنو چې مسلکي کسان ندي خلک ناهېلې کړي او مهارجر کېدو ته زړه ښه کوي. دوی ته باید د کار زمېنه مساعده شي.

١٦- د ا.ا.ا لخوا ځېنې داسې کارونه کول چې نباید په اولویت کې یې قرار درلودلای خلک ناهېلې کړي لکه د ګېرې، نکتایي او د نجونو د ښوونځیو د بندېدو مسایل.

١٧- دولت هم تراوسه اساسي قانون نلري، نظام یې تعریف شوی ندی، اداره یې سرپرسته ده، او د خلکو او نړېوالو غوښتنو په منلو کې کومې چې مشروع وي سستي کوي همدا دی چې ولس راتلونکی بې سرنوشته ویني.

ستونزې ډېرې او رسیدګي کمه!

لېکوال: Lal Zazai لعل ځاځی

اپریل ٩ کال ٢٠٢٢/ حمل(وری) ٢٠ کال ١٤٠١

شنبه

وخت ٤:٢٤ p.m

کابل-افغانستان

0 Comment

0 Comment