دا چې د بازار ټول سیسټم د عرضې او تقاضا پر بنا استوار دی نو د لاندې کارونو په ترسره کولو سره کولای شو بازار نورمال حالت ته بیرته وګرځوو او اوسنی اندیښنې کوم چې د کاروبار د نشتون په اړه دي له منځه ولاړې شي:

1- د بانکونو خلاصیدل: دا چې اوس وخت کې اکثره خلک خپلې پیسې په بانکونو کې ساتي، نو د بانکونو د بندیدو له امله زموږ د هیوادوالو تقاضا مختلفو توکو او اموالو ته په مارکیټ کې کمه شوې دې چې دا د اوسنی بیکاری یو ډیر مهم عامل کیدلای شي کچیرته بانکونه خلاص شي خلک دوباره د توکو د خرید نورمال حالت ته راګرځي او بازار کې به کاروبار په نورمال ډول پیل شي. او بله دا چې د بانکونو له لارې زموږ د تجارت پرداخت او د پیسو لیږد ترسره کیږې نو په همدې اساس د بانکونو بندوالی تجارت بخش ته هم لوی زیان رسولی دی.

2- د کارمندانو د معاشاتو تادیه: د تیرې ادارې اکثره کارمندان اوسمهال په کور دي او ورته د تیرې میاشت معاشات ندي پرداخت شوي او معمولا موږ او تاسو پوهیږو چې د اکثرو کورنیو اقتصادي حمایت همدا معاشات وو چې خپلې ټولې ورځنی اړتیاوې یې پوره کولې، نو دا چې ورته معاشات نه پرداخت کیږې دوی به هم خرید نکوي او په مستقیمه او غیرمستقیمه توګه به بازار ته لویه ضربه ورسوي او په عین حال کې ذهنا هم خلک له مختلفو تشویشونو سره مخ شوي، نو د معاشاتو پرداخت د کاروبار دوباره نورمال کیدلو کې لویه مرسته کوي.

3- دولت او خلک په بازار کې لوی مصرف کوونکي عناصر دي. د دوی نشتون د دې باعث کیږې چې د بازار د توکو ترټولو لوړ مصرف کوونکي له لاسه ورکړو او مارکيټ کې به لوی بحران رامنځته شي کچیرته یاد توکي د دغو دوو مهمو عناصرو پواسطه استفاده او وانه خیستل شي. نو داسې ویلای شم چې د یادې مهمې ستونزې د له منځه وړلو لپاره کوم چې د بیکاری څنه عبارت دی باید ټول دولتي ادارې دوباره فعالې شي ترڅو په بازار کې دوباره د یو لوی مصرف کوونکي په حیث رول ولوبوي او کاروبارونه دوباره نورمال حالت ته راشي.نوټ: یادې حللارې فقط د اوسنی شدیدې بیکاری د بیرته پخوانی عادي حالت د راوستلو لپاره پیشنهاد شوي. عمومي بیکاري په افغانستان کې بله مهمه موضوع ده چې مختلف دلایل شتون لري ورته چې بیا به په راتلوتکې کې ورباندې بحث ولرو.

استاد لعل ځاځی

0 Comment

0 Comment