Lal Zazai

منځنۍ آسیا ٤ ملیونه کېلومټره مربع خاوره احاطه کوي، چې د نفتو، ګازو، قېمتي تېږو، یورانیمو، المونیمو، مسو، سروزرو، سربو، کرنیزو محصولاتو او داسې نورو په څېر د طبیعي سرچېنو په درلودلو سره له ځانګړي اهمیت څخه برخمنه ده او هر هېواد د دې علاقمند دی چې منځنۍ آسیا ته لاس رسۍ ولري. یو له هغو پاکستان، چین او ېران دي چې غواړي یادې سېمې ته ننوځي اما د ننوتلو ترټولو مهمه لار یې افغانستان دی چې دا د دې باعث ګرځي چې افغانستان خپل مهم موقعیت حفظ او ګټه ترې پورته کړي. موږ پخوا د ورېښمو لار درلودله شې د ختیځ او لویدیځ ترمنځ د ارتباطي پُل پنوم هم یادېدله چې چین هېواد به خپل اموال لدې لارې انتقالول. دا چې د منځنۍ آسیا هېوادونه زیات صادراتي محصولات او انرژي لري، نو غواړي چې جنوبي آسیا ته لاس رسۍ پیدا کړي. د دې هدف د تعقیبولو لپاره باید د افغانستان له جغرافیایي موقعیت څخه استفاده وکړي، نو د همدې لپاره پدې ورستیو کې هڅې روانې دي چې له منځنۍ آسیا نه د افغانستان له پولو په تېرېدلو سره تر پاکستان د اوسپنې پټلۍ وغځوي. د ټاپي، کاسازر، ټاپ او نورې پروژو عملي کول د منځنۍ آسیا هڅې لا ګړندۍ کولای شي.اېران هم غواړي چې د اوسپنې پټلۍ په عځولو سره منځنۍ آسیا چې افغانستان یې ترټولو لنډه لار ده لاس رسۍ ولري. د هرات-خواف اوسپنې پټلۍ لاره یې مثال یادولای شو. پاکستان لپاره افغانستان له خورا مهم ارزښت څخه برخمن ده. دا چې افغانستان په وچه کې یو اېسار هېواد دی او سمندري لارې ته د لاس رسي لپاره لنډه ده، نو پاکستان یې ترټولو لنډه لاره ده څو د کراچۍ بندر ته لاره پیدا کړو اما موږ د چابهار بندر د بدیل په توګه استفاده کولای شو، او پاکستان پرته له افغانستان منځنۍ آسیا ته لاس رسۍ نشي پیدا کولای، نو ځکه پاکستان د دې لپاره چې وغواړي له منځنۍ آسیا ګټه پورته کړي باید له افغانستان سره ښې اړېکې ولري کنه د سوداګرۍ برخه یې ډېر ضرر لېدلای شي.

اوسمهال افغانستان د خپل سټراټیژیک موقعیت څخه په استفادې کولای شي خپل ملي عواید په بېسارې ډول لوړ کړي.

Lal Zazai لعل ځاځی